GORESPENAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari eta Espiritu Santuari.
Hasieran zen bezala orain eta beti
gizaldi eta gizaldietan. Amen.
1 Ant. Jainkoak bere Semeari berari ere ez eutson parkatu, hauxe baino: geu guztiontzat emon eban.
50. salmoa
Erruki
zakidaz, Jainko, dozun maitasun handiaz,
suntsitu eizu nire makurra zure amaigabeko
errukiaz.
Garbitu naizu zehatz nire hobenetik,
ikuzi naizu nire gaiztakeriatik.
Nire
bihurrikeria ezagutzen dot-eta,
nire hobena beti dot-eta begien aurrean.
Zeuri egin deutsut pekatu, Zeuri baino ez,
zure begietan oker dana egin dot nik.
Zuzen
agertuko zara auzian,
zintzo zure epaian.
Hobendun sortua naz izan ere,
pekatuan ninduan amak erne.
Zuri,
ostera, bihotz leiala atsegin jatzu,
bihotz-munean zuhurtasuna irakasten
deustazu.
Busti naizu isipuz, eta garbi geldituko
naz,
ikuzi naizu, eta edurra baino zuriago
geldituko naz.
Entzunazo
poza ta atsegina niri;
xehatu dozuzan hazurrok egin beie jauzi.
Aurpegi hori nire hobenetatik alderatu
eizu,
nire makurkeria guztiak suntsitu eizuz.
Bihotz
garbi bat, Jainko, sortu eizu nigan,
arnasa bizkorra barritu eizu nire barruan.
Ez naizu urrundu zure aurretik,
zure arnasa santua ez kendu niri.
Zure
salbamenaren poza bihurtu eidazu,
zure arnasa zabalez sendotu naizu.
Erakutsiko deutsedaz gaiztoei zure bideak,
Zeugana bihurtuko dira pekatariak.
Atara
ni odol-zigorpetik, Jainko,
Jainko, ene salbatzaile;
eta nire ezpanek zure zuzentasuna
pozetan zabalduko dabe.
Edegiko
deustazuz ezpanok, Jauna,
eta nire ahoak iragarriko dau zure
gorespena.
Ez jatzu-ta atsegin oparirik,
erre-opariak ez zeunkez hartuko, nik
emonik.
Nire
oparia, Jainko, bihotz damutua:
ez dozu gitxietsiko, Jainko,
bihotz damutu eta umildua.
Agertu
zaitez, Jauna, onbera Sionekin,
Jerusalemgo harresiak barritu eizuz.
Orduan onartuko dozuz
legezko opari, emari eta erre-opariak;
orduan izango dira zekorrak zure altaran
eskeiniak.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Jainkoak bere Semeari berari ere ez eutson parkatu, hauxe baino: geu guztiontzat emon eban.
2 Ant. Jesu Kristok maite izan gaitu eta bere odolaz garbitu gaitu gure pekatuetatik.
Kantika: Ha 3, 2-4. 13a. 15-19
Jauna,
entzun dot Zuk entzutera emona,
harritu nau, Jauna, Zuk egindako lanak.
Urteen buruan lan hau erakutsi eizu,
urteen buruan ezagutuazo eizu.
Hasarrean errukia gogoratu eizu.
Etorriko
da Jauna Teman-aldetik,
Santua Faran-ganetik.
Handiz estaltzen dau zerua,
Haren gorespenez betea da lurra.
Haren edertasuna argia lez,
Haren eskutik argi-izpiek dabe urteten,
Haren indarra dabela gordetzen.
Urteten
dozu zure herria salbatzera,
zure gantzutua salbatzera.
Ibili zara itsasoan zehar zure zaldiz,
olatu gogor eta ur handiz.
Hau
entzunez, nire erraiak ikara,
soinu horrekin nire ezpanak dardara.
Sartu da bildurra nire hazurretan,
koloka dodaz oinak euren orpoetan.
Lasai itxaroten dot larri-eguna,
gu zapaltzen gaituan herriari sortuko jakona.
Ikoak
ez badau lorarik,
eta mahastiak ere ez uztarik;
oriondoak hutsegingo baleu,
landeak janaririk ekarriko ez baleu;
artegian ardiak urrituko balira,
behirik ez balego kortan;
halan
be, alaituko naz ni Jaunagan,
poztuko, salbatzaile dodan Jainkoagan.
Nagusi dan Jauna dot indarra;
basahuntzaren oinak emongo deustaz
ganez-gane nau atarako.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Jesu Kristok maite izan gaitu eta bere odolaz garbitu gaitu gure pekatuetatik.
3 Ant. Zure kurutzea gurtzen dogu, Jauna, eta zure biztuera santua goresten eta handiesten, haga honen bidez etorri zan-eta poza mundu guztira.
147 Salmoa
Jerusalem,
ospatu eizu Jauna,
Sion, goretsi eizu zure Jainkoa.
Zure ateen sarrailak indartu dauz-eta,
zure seme-alabak zure barruan bedeinkatu ditu.
Zure mugetan bakea jarri dau-ta,
gari-maminez asetu zaitu.
Bialtzen
dau lurrera bere berbaroa,
eta Haren hitza bizkor eta arin doa.
Emoten dau edurra artulea lez,
zabaltzen dau aintziarra hautsa lez.
Ogi-apurraren
antzera jaurtitzen dau bere izotza:
Nork jasan daike haren hotza?
Bialtzen dau bere hitza,
eta beragaz urtzen dira,
bere haizeari eraginez urak isurika doaz.
Iragarri
deutso bere hitza Jakobi,
bere erabagi eta aginduak Israeli.
Ez deutso egin holakorik beste herriri,
bere aginduak ez deutsoz agertu besteri.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Zure kurutzea gurtzen dogu, Jauna, eta zure biztuera santua goresten eta handiesten, haga honen bidez etorri zan-eta poza mundu guztira.
Is 52, 13-15
Hara, nire zerbitzariak aurrera urtengo dau; handia egingo da eta goratua izango. Asko haretzaz ikaraturik gelditu baziran ere —haretarainoxe galdu eban giza-itxura, eta gizona zanik be ez eban emoten—, gero harriturik geldituko dira herri asko, eta erregeak haren aurrean hitzik barik geldituko dira, gaurdaino esan ez zana ikustean, eta entzun ez zana begiratzean.
Galderantzunaren ordez…
Kristo gugatik menpeko egin zen heriotzaraino, kurutzeko heriotzaraino.
Bened. ant. Buru-ganean idazkun bat ipini eutsoen, hoben-agiri lez: Hau Jesus Nazaretarra da, Judutarren Erregea.
Ant. Buru-ganean idazkun bat ipini eutsoen, hoben-agiri lez: Hau Jesus Nazaretarra da, Judutarren Erregea.
Eskariak
Bihotz-bihotzez gurtu daigun, gugatik hil eta hobiratua izan zan gure Salbatzailea, eta eskatu deiogun:
Jauna, erruki zakiguz.
—Gure Jaun eta Maisu, gugatik hiltzeraino esaneko egin zaran horrek, * irakatsi eiguzu Aitaren nahia zintzo betetzen beti.
—Gure bizia zaran Horrek, Zuk zugatzeko heriotzaz garaitu zenduzan infernua eta herioa; * iguzu, Zeugaz hil gaitezala, Zeugaz aintzara biztutzeko.
—Gure Errege, gizon-emakumeen lotsakizun egina, eta lurreko harra lez zapaldua, * irakatsi eiguzu, zure apaltasun salbagarria.
—Zure bizia senide maiteen alde emon zenduan, eta gure Salbamen zaran Horrek, * egizu, horrelakoxe maitasunez maitatu daigula alkar.
—Gure Salbatzaile, kurutzean besoak zabaldurik, gizon-emakume guztiak Zeuganatu dituzun Horrek, * batu eizuz zeure erreinuan gaur sakabanatuta dagozan Jainko seme-alaba guztiak.
(… isil unea, bakotxak bere eskaria egin ahal izan
daian).
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jaun ona, begira Zure familia Santuari, beragatik eroan ebazan-eta Jesu Kristo gure Jaunak kurutzeko nekeak, bere burua bere arerioei emonez. Zurekin eta Espiritu Santuarekin batean Jainko eta errege bizi da-ta, gizaldi eta gizaldietan.
Amaierea
V/.
Bedeinkatu gaizala Jainko ahalguztidunak: Aitak eta Semeak eta Espiritu
Santuak.
R/. Amen.
V/.
Goazen Jaunaren bakean.
R/. Eskerrak Jainkoari.
