GORESPENAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari eta Espiritu Santuari.
Hasieran zen bezala orain eta beti
gizaldi eta gizaldietan. Amen.
1 Ant. Negar egingo dabe, seme bakarrarentzat egiten dan lez, erru bako izanik ere Jauna hil egin dabe-ta.
63 Salmoa
Entzun, ene Jainko, nire
negar-intziria,
etsai-bildurretik zaindu nire bizia.
Gorde naizu gaiztoen batzarretik,
gaizkileen zalapartatik.
Mihina ezpata-antzera
zorrozten dabe,
gezi-antzeko hitz zitalak bialtzen dabez,
errugabea jotzeko ezkututik:
ustekabean jotzen dabe eta ez dabe bildurrik.
Gogor dihardue kalte
egin-nahian,
sareak zabaltzeko asmotan isilka,
hauxe dinoe: «Nor dago begira?»
Gaiztakeriak asmatzen dabez,
eta ixil-gordeka dihardue,
bakotxaren barrena ta bihotza leza
dira.
Baina Jaunak geziz jotzen
ditu,
bat-batean zauritzen ditu.
Euren mihinak berak ditu galtzen,
begira dagozanek buruari dutose
eragiten.
Danak dira bildur: Jainko-lanak
dabez aldarrikatzen,
Harek eginak hausnartzen.
Poztutzen da Jaunagan
zintzoa,
eta Harengana da batzen:
bihotz-zuzenek burua dabe jasotzen.
Aintza Aitari eta Semeari
eta Espiritu Santuari.
Lehen lez, orain eta beti,
gizaldi eta gizaldietan. Amen.
Ant. Negar egingo dabe, seme bakarrarentzat egiten dan lez, erru bako izanik ere Jauna hil egin dabe-ta.
2 Ant. Atara naizu, Jauna, Lezako ateetatik.
Kantika: Is 38, 10-14. 17-20
Holan ninoan: «Joan
beharrean nago nire egunen erdian;
Lezako ateetan itziko nabe
gelditzen jatazan urteetan».
Holan ninoan:
«Ez dot barriro Jauna ikusiko bizien
lurrean,
ez dot barriro gizakirik ikusiko
lurtarren artean.
Erauzi eta kendu egin
deuste bizilekua,
artzainen oihal-txabola lez;
euliek lez hariltzen neban nire
bizia,
eta moztu egin deustazu haria».
Gau ta egun hondatzen
nozu,
goizera arte oihuka naukazu.
Lehoi batek lez, hazur guztiak
xeatzen deustazuz.
Txioka dihardut elaia lez,
urruka usoa lez;
makaltzen jataz begiok gora begira;
Jauna, larri naz, heldu zakidaz!»
Hara, osasun bihurtu da
nire gaixoaldia,
Zeuk gorde dozu-ta heriotza-zulotik
nire bizia,
zeure atzera jaurti dozuz nire hoben
guztiak.
Ez zaitu, ez, Lezeak
eskertzen,
ez Heriotzeak goresten,
zulora doazenek ez dabe zure
leialtasuna itxaroten.
Bizidunak, bizidunak baino ez zaitu
eskertzen,
neuk orain lez;
aitak iragartzen deutse seme-alabei
zure leialtasuna.
Zatorkidaz, Jauna,
salbatzera,
eta joko dogu soinua, Jaunaren
etxean,
bizi garan egun guztietan.
Aintza Aitari eta Semeari
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Atara naizu, Jauna, Lezako ateetatik.
3 Ant. Hila izan nintzan, eta ikusten dozu, orain bizirik nago gizaldien gizaldietarako; eta Neuk daukadaz heriotzearen eta infernuaren giltzak.
150 Salmoa
Goretsi eizue Jauna bere
jauretxean,
Goretsi eizue bere zeru ospetsuan.
Goretsi eizue, Berak egin-lan
handiakaitik,
Goretsi eizue bere handiaren
handiagaitik.
Goretsi eizue turutaren
hotsez,
Goretsi eizue salterioz eta
kitar-hotsez.
Goretsi eizue zaldabai eta
dantzarekin,
Goretsi eizue zurda-soinu eta
txistuarekin.
Goretsi eizue txilin
ozenekin,
Goretsi eizue txilin alaiekin.
Arnasa dauan guztik Jauna goretsi
bei.
Aintza Aitari eta Semeari,
eta Espiritu Santuari.
Lehen
lez, orain eta beti,
eta amaibako egunetan. Amen.
Ant. Hila izan nintzan, eta ikusten dozu, orain bizirik nago gizaldien gizaldietarako; eta Neuk daukadaz heriotzearen eta infernuaren giltzak.
Is 52, 13-15
Euren larritasunean bila etorriko jataz goiz-goizetik. Erdu, bihurtu gaitezan Jaunagana; Berak zauritu ginduzan, Berak osatuko gaitu; Berak jo ginduzan, eta Berak lotuko deuskuz zauriak. Egun bian biziazoko gaitu, hirugarrenean biztuko; eta Haren aurrean gara bizi izango.
Galderantzunaren ordez…
Kristo gugatik menpeko egin zen heriotzaraino, kurutzeko heriotzaraino. Horregaitik Jainkoak goratu egin eban, eta izen guztien ganeko izena emon eutson.
Bened.
ant. Gizadiaren Salbatzaile, salbau gaizuz; zure kurutze ta odolaz
erosi gaituzun gure Jainko, lagundu eiguzu.
Lk 1, 68-79
Ant. Gizadiaren Salbatzaile, salbau gaizuz; zure kurutze ta odolaz erosi gaituzun gure Jainko, lagundu eiguzu.
Eskariak
Gurtu daigun bihotzez, gugaitik hil eta hobiratua izan dan gure Salbatzailea, eta egin deiogun otoitz Berari, esanez:
Jauna, erruki zakiguz.
—Kristo Salbatzaile, zeure ama nahigabetua izan zenduan lagun kurutzearen oinetan eta zure hilobi-ondoan; * gure nahigabeetan egin gaizuz zure nekaldiaren erdikide.
—Jesu Kristo Jauna, galgarauaren antzera, lurpean gelditu zinan hilotzik, bizi-frutu ugariak emoteko; * iguzu, geu ere pekaturako hilda, Jainkoarentzat bizi izan gaitezala.
—Gure Artzain on, hilobian etzunda, ezkutuan egon zinan danentzat; * irakatsi eiguzu, Zugaz Aitagan biziera ixil bat eroaten.
—Adan barri, munduaren hasieratik hilen artean bahiturik egozan zintzoak askatzera jatsi zinan; * egizu, euren pekatuakaitik hilda dagozan guztiek entzun daiela zure berbea eta bizi izan daitezala.
—Kristo, Jainko biziaren Seme, Bateoan Zugaz hobiratuak izan gara; * iguzu, biztueran Zugaz bat eginik, biziera barri bat eroan daigula.
(… isil unea, bakotxak bere eskaria egin ahal izan daian).
Gure Aita zeruetan
zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jaun ahalguztiduna, zure Seme bakarra hilen artera jaitsi zan eta garaile urten eban hilobitik; egizu, arren, Bateoaren bidez Kristorekin hobiratuak izan diran zure fededun guztiak biztu daitezela Harekin betiko bizira. Zurekin eta Espiritu Santuarekin batean Jainko eta errege bizi da-ta, gizaldi eta gizaldietan.
Amaierea
V/.
Bedeinkatu gaizala Jainko ahalguztidunak: Aitak eta Semeak eta Espiritu
Santuak.
R/. Amen.
V/. Goazen Jaunaren
bakean.
R/. Eskerrak
Jainkoari.
